ബെംഗളൂരു : കണ്ണടച്ച് തുറക്കുന്ന വേഗത്തിൽ നഗരവികസനം യാഥാർഥ്യമയക്കിയ മെട്രോ, യാത്രക്കാർക്ക് വിശ്രമിക്കുന്നതിനും സമയം ചെലവഴിക്കുന്നതിനുമായി തൗയ്യാറാക്കിയ ഇടമാണ്
എംജി റോഡ് സ്റ്റേഷനോട് ചേർന്നുള്ള ബൊളിവാഡും രംഗോലി ആർട്ട് സെന്ററും.
പരേഡ് റോഡിലെ വോക് വേ മെട്രോ നിർമാണത്തിണെന്ന കാരണം ചൂണ്ടിക്കാട്ടി പൊളിച്ചു മാറ്റിയിരുന്നു. ഇതിനെതിരെ പ്രതിഷേധം ശക്തമായ സാഹചര്യത്തിലാണ് ഇരുനിലകളിലായി വോക് വേയും ആർട്ട് സെന്ററും ഉൾപ്പെടുന്ന പുതിയ സങ്കേതം ഒരുങ്ങിയത്.
വോക്വേ നിർമ്മാണം
**************************
എംജി റോഡ് സ്റ്റേഷൻ ടെർമിനൽ മുതൽ അനിൽ കുംബ്ലെ സർക്കിൾ വരെയാണ് വോക് വേ ചിട്ടപെടുത്തിയിരിക്കുന്നത്. ഒഴിവ് സമയങ്ങൾ ആസ്വദിക്കുവാനും, വിശ്രമിക്കുവാനുമായി ഇവിടെ സൗകര്യമുണ്ട്.
രംഗോലി ആർട്ട് സെന്റർ
******************************
3 മനോഹരമായ ആർട്ട് ഗാലറികൾ,രംഗസ്ഥല ഓഡിറ്റോറിയം, കുട്ടികൾക്ക് കളിക്കാനുള്ള ഇടം, ഓപ്പൺ എയർ ഓഡിറ്റോറിയം, ബെംഗളൂരു ചരിത്രം അടയാളപ്പെടുത്തിയ ഇൻഫോ വാൾ, കരകൗശല ഉൽപന്നങ്ങളുടെ മാർക്കറ്റ് തുടങ്ങിയവയാണ് പ്രധാനമായും സന്ദർശകർക്കായി ആർട്ട് സെന്ററിലുള്ളത്.
